बेल्जियममा रहेका नेपालीहरुको प्रिय संस्था गोरखा समाज बेल्जियमले गत अगस्ट ४ गते सोमबार लुभेन शहरमा परोपकारी कोष निर्माण गर्ने उद्देश्यले आयोजना गरेको भव्य समर बार्बेक्यु कार्यक्रम सफलतापूर्वक सम्पन्न भएको थियो।
सोही कार्यक्रममा संकलित कोषको उपलब्धि र समीक्षासहित सहयोगका लागि प्राप्त अनुरोधलाई कार्यान्वयन गर्ने उद्देश्यले समाजले सेप्टेम्बर १५ गते सोमबार बसेको बैठकमार्फत महत्वपूर्ण निर्णय गर्दै विभिन्न व्यक्तित्व तथा संस्थालाई आर्थिक सहयोग गर्ने घोषणा गरेको छ।
निर्णय अनुसार सहयोग प्राप्त गर्नेहरु निम्न रहेका छन्:
१. कृष पौडेल, गोरखा नगरपालिका–१०, बिरिन्चोक — रु. ५०,०००
२. दीपा थापा पुलामी, गोरखा नगरपालिका–१०, बिरिन्चोक — रु. ५०,०००
३. बालमन्दिरका बालबालिका, गोरखा नगरपालिका — रु. १,००,०००
४. उज्जन थापा मगर, पालुङटार नगरपालिका–७ — रु. ५०,०००
५. नविना थापा, पालुङटार नगरपालिका–७ — रु. ५०,०००
६. शंकर गुरुङ, आरुघाट गाउँपालिका–४ — रु. १,००,०००
७. पुर्ण गुरुङ, धार्चे गाउँपालिका, हुल्चुक — रु. १,००,०००
८. उमाकान्त खनाल, आरुघाट गाउँपालिका–७, आरुपोखरी — रु. १,००,०००
समाजले समर बार्बेक्यु कार्यक्रम तथा दोस्रो अधिवेशन सम्पन्न गर्न संकलित रकममध्ये जम्मा ४,५२५ युरो (चार हजार पाँच सय पच्चीस युरो) बाट यो सहयोग गरिएको जनाएको छ।
गोरखा समाज बेल्जियमले उक्त कार्यक्रममा उपस्थित भई सहयोग गर्ने सम्पूर्ण दाजुभाइ तथा दिदीबहिनीहरूलाई हार्दिक धन्यवाद ज्ञापन गरेको छ। साथै, संकलित रकमलाई सम्बन्धित लाभग्राहीसम्म पु–याउन प्रत्यक्ष सहयोग गर्ने सबैमा पनि विशेष आभार प्रकट गरेको छ।
