सिरानचोक गाउँपालिकाले काठमाण्डौँ उपत्यकामा बसोबास गरिरहेका सामाजिक सुरक्षा भत्ता लाभग्राहीका लागि घुम्ती सेवा संचालन गर्ने भएको छ।
२०८२/०८३ सालको लागि सामाजिक सुरक्षा भत्ता परिचयपत्र बायोमेट्रिक प्रणालीमार्फत नवीकरण गर्न श्रावण ३० र ३१ गते तथा भाद्र १ र २ गते ‘होटल चार्मिङ दरवार’ (बनस्थली चोकबाट चमति जाने बाटोमा १०० मिटर अघि) मा सेवा उपलब्ध गराइने गाउँपालिकाले जनाएको छ।
समयतालिका
-
श्रावण ३० गते: दिउँसो २ बजे देखि ५ बजेसम्म
-
अन्य दिन: बिहान ८ बजे देखि बेलुका ५ बजेसम्म
आवश्यक कागजात
-
सामाजिक सुरक्षा भत्ता लाभग्राही परिचयपत्र
-
राष्ट्रिय परिचयपत्र नं. (१६ वर्ष नपुगेका बालबालिका, अशक्त तथा ९० वर्षमाथिका जेष्ठ नागरिकका लागि अनिवार्य छैन)
-
नागरिकता प्रमाणपत्रको प्रतिलिपि वा बालबालिकाको जन्मदर्ता प्रमाणपत्र (सुझकको नागरिकता प्रतिलिपिसहित)
-
विधवा महिलाका लागि पतिको मृत्युदर्ता प्रमाणपत्रको प्रतिलिपि
-
सम्बन्ध विच्छेद गरी अर्को विवाह नगरेका महिलाका लागि सम्बन्ध विच्छेद प्रमाणपत्र तथा अविवाहित सिफारिस
-
न्यायिक पृथकीकरण प्रमाणपत्र (लागु भएमा)
-
अपाङ्गता परिचयपत्रको प्रतिलिपि (प्रचलित कानुन अनुसार जारी)
गाउँपालिकाले लाभग्राहीहरूलाई तोकिएको मिति, समय र स्थानमा आवश्यक कागजातसहित उपस्थित भई परिचयपत्र नवीकरण गर्न आग्रह गरेको छ।
