काठमाडौं । विश्व फुटबलको महाकुम्भ फिफा विश्वकप २०२६ को रोमाञ्चक फाइनलमा साविक विजेता अर्जेन्टिनालाई पराजित गर्दै स्पेनले ऐतिहासिक उपाधि चुमेको छ। अमेरिकाको न्युजर्सीस्थित स्थिति स्टेडियम मा भएको सङ्घर्षपूर्ण फाइनल भिडन्तमा स्पेनले अर्जेन्टिनालाई १–० गोल अन्तरले पाखा लगाउँदै १६ वर्षपछि फिफा विश्वकपको ट्रफी आफ्नो नाममा गरेको हो।

सन् २०१० को दक्षिण अफ्रिका विश्वकपपछि स्पेनको यो पहिलो विश्वकप उपाधि हो। यस हारसँगै अर्जेन्टिनाको लगातार दोस्रो पटक विश्वकप जित्ने सपना चकनाचुर भएको छ।

खेलको निर्धारित ९० मिनेटसम्म दुवै टोलीबाट गोलरहित बराबरी भएपछि खेल अतिरिक्त समय (एक्स्ट्रा टाइम)  मा धकेलिएको थियो। निर्धारित समयको अन्तिम क्षणमा अर्जेन्टिनाका मिडफिल्डर एन्जो फर्नान्डेजले दोहोरो पहेँलो ९रातो० कार्ड पाउँदै मैदान छाड्न बाध्य भएपछि अर्जेन्टिना १० खेलाडीमा सीमित भएको थियो।

१० खेलाडीमा झरेको अर्जेन्टिना विरुद्ध स्पेनले अतिरिक्त समयमा पूर्ण दबाब बनायो। खेलको १०६औं मिनेटमा स्पेनका स्ट्राइकर फेरान टोरेसले उत्कृष्ट गोल गर्दै टोलीलाई सुरुवाती अग्रता दिलाए। टोरेसको यही एकमात्र गोल नै स्पेनलाई विश्वविजेता बनाउन पर्याप्त बन्यो।

एम्बाप्पेलाई गोल्डेन बुट
यस विश्वकपभरि आफ्नो उत्कृष्ट गोल गर्ने लयलाई निरन्तरता दिएका फ्रान्सका स्टार खेलाडी किलियन एम्बाप्पेले यस संस्करणको प्रतिष्ठित गोल्डेन बुट (सर्वाधिक गोलकर्ताको पुरस्कार) हात पारेका छन्। फ्रान्स प्रतियोगिताको सुरुवाती चरणमै बाहिरिए पनि एम्बाप्पेले गरेका व्यक्तिगत गोलहरूको सङ्ख्यालाई कसैले उछिन्न सकेन। यसअघि २०२२ को विश्वकपमा पनि एम्बाप्पेले नै गोल्डेन बुट जितेका थिए।

नयाँ इतिहासको सुरुवात
स्पेनले खेलको अधिकांश समय बलमाथि नियन्त्रण राख्दै अर्जेन्टिनालाई दबाबमा राखेको थियो। सन् २०२२ को कतार विश्वकप विजेता अर्जेन्टिनाले यसपटक स्पेनको बलियो रक्षापङ्क्ति र आक्रामक रणनीतिसामु घुँडा टेक्न बाध्य भयो। १६ वर्ष लामो प्रतीक्षालाई समाप्त पार्दै स्पेनिस टोलीले फिफा विश्वकप २०२६ को सुनौलो ट्रफी उचालेर नयाँ इतिहास रचेको छ।