काठमाडौं । २०२६ फिफा विश्वकपका उदाउँदा स्टार भोजिन्हाले आफ्नो करियरमा अर्को ठूलो फड्को मार्दै चिलीको प्रतिष्ठित क्लब कोलो(कोलोसँग पहिलो व्यावसायिक सम्झौता गरेका छन्।

क्लबका अध्यक्ष अनिबाल मोसाले यो खबर पुष्टि गरेका हुन्। उनले भने, भोजिन्हा अब कोलो- कोलोका खेलाडी बन्दैछन्। उनी आगामी केही दिनमै चिली आइपुग्नेछन्, स्वास्थ्य परीक्षण पूरा गरेपछि एस्टाडियो मोनुमेन्टलमै औपचारिक रूपमा सार्वजनिक गरिनेछ।ु

४० वर्षीय भोजिन्हा पोर्चुगलको दोस्रो डिभिजन क्लब चाभेससँगको सम्झौता सकिएपछि कुनै पनि क्लबबिनै विश्वकप खेल्न गएका थिए। विश्वकपमा उनले उत्कृष्ट गोलरक्षण गर्दै केप भेर्डेको ऐतिहासिक यात्रामा महत्वपूर्ण भूमिका निर्वाह गरेका थिए।

चिलीको राजधानी सान्टियागोमा रहेको कोलो कोलो हाल देशको शीर्ष लिग ‘लिगा डे प्रिमेरा’ को शीर्ष स्थानमा छ।