कृषि, वन तथा वातावरण मन्त्रालयले बर्ड फ्लुबाट प्रभावित किसानलाई क्षतिपूर्ति उपलब्ध गराउन रु ५० करोड निकासा गरेको छ। मन्त्रालयले प्रभावित किसानलाई क्षतीपूर्ति दिन पशुसेवा विभागलाई उक्त रकम उपलब्ध गराएको छ। बर्ड फ्लुबाट धेरै किसानहरुले नोक्सान बेहोरेका छन्। बर्ड फ्लु पुस्टि भएका ११ जिल्लामा अण्डा, पन्छी र दाना नस्ट गरिएको थियो । जसबाट ७० करोड बराबरको क्षति भएको हो। बर्ड फ्लु पुष्टि भएका जिल्लामा नष्ट गरिएका पन्छी, अण्डा तथा दानाको क्षतिपूर्ति वितरणका लागि उक्त रकम विभागलाई उपलब्ध गराएको हो । बर्ड फ्लुबाट आर्थिक नोक्सानी बेहोरेका किसानलाई राहतस्वरुप क्षतिपूर्ति वितरण गर्न विभागले मन्त्रालयसँग रकम माग गरेको थियो । बर्ड फ्लु रोग नियन्त्रण (चौथो संशोधन) २०७४ अनुसार प्रमाणित क्षतिको विवरणका आधारमा नष्ट गरिएका पन्छी, पन्छीजन्य पदार्थ तथा पन्छी उत्पादन सामग्रीको मूल्याङ्कन गरी सम्बन्धित धनीलाई क्षतिको ७५ प्रतिशतसम्म क्षतिपूर्ति उपलब्ध गराउने व्यवस्था रहेको छ ।