काठमाडौं । अविरल बर्षाका देशका विभिन्न जिल्ला भएर बग्ने नदी तथा खोलामा आज बाढीको जोखिम रहेको छ । २७ वटा जिल्ला भएर बग्ने नदी तथा खोलामा आज बाढीको जोखिम रहेको छ ।
तेह्रथुम, संखुवासभा, सोलुखुम्बु, दोलखा, रामेछाप, काभ्रेपलाञ्चोक, काठमाडौं, भक्तपुर, ललितपुर, मकवानपुर, सिन्धुपाल्चोक, रसुवा, नुवाकोट भएर बग्ने नदी तथा खोलामा बाढीको मध्यम जोखिम रहेको जल तथा मौसम विज्ञान विभागले जनाएको छ ।
धादिङ, गोरखा, लमजुङ, कास्की, तनहुँ, स्याङ्जा, पर्वत, बाग्लुङ, म्याग्दी, मुगु, सुर्खेत, दैलेख, अछाम, डोटी र आसपासका जिल्ला भएर बग्ने नदी तथा खोलामा बहाव उल्लेख्य बढ्ने र आकस्मिक बाढीको मध्यम जोखिमको सम्भावना रहेको विभागले बताएको छ ।
आज दिउँसो कोसी, वाग्मती, गण्डकी, लुम्बिनी र कर्णाली प्रदेशका पहाडी भूभागको एकदुई स्थानमा भारी वर्षाको सम्भावना रहेको जल तथा मौसम विज्ञान विभागको भनाइ छ ।
राति वाग्मती र गण्डकी प्रदेशका पहाडी र तराई भूभागका एकदुई स्थानमा भारी वर्षाको सम्भावना रहेको छ । त्यसैले केही नदी तथा खोलामा बाढीको जोखिम रहेको हो ।
