काठमाडौं । पृथ्वी राजमार्गअन्तर्गत धादिङको गल्छी–बैरेनी सडकखण्डमा बिहीबार (भदौ ११) बेलुकादेखि एकतर्फी रूपमा यातायातका साधन सञ्चालनमा ल्याइएको छ ।
राजमार्गको जरिखेतखण्डमा पुल बगाएर बाटो समेत छोपिएकामा अहिले त्यहाँको माटो तथा गेग्य्रान हटाएर यातायात सञ्चालनमा ल्याइएको सडक विभागले जनाएको छ ।
जरिखेतखण्डमा यातायात सञ्चालन भएसँगै अब मलेखुतर्फका पोखरी, बाँगे र गलौदी क्षेत्रमा जम्मा भएको लेदो हटाउने कार्य थालिएको छ । ती स्थानमा करिब ७०० मिटर लेदो हटाउनुपर्ने अवस्था रहेको विभागले जनाएको छ ।
पोखरी, बाँगे र गलौदीमा लेदो हटाउने कार्य आज (भदौ १२) बेलुकासम्म लाग्न सक्ने अनुमान छ । उक्त कार्य सम्पन्न भएसँगै पृथ्वी राजमार्ग पूर्ण रूपमा सुचारु हुने विभागले जनाएको छ ।
यही भदौ १० गते आएको भीषण बाढीका कारण राजमार्ग अवरुद्ध भएको हो ।
प्रतिक्रिया दिनुहाेस्
सम्बन्धित
