एक महिलाको निजी तस्बिर र भिडियो सार्वजनिक गर्ने धम्की दिँदै ब्ल्याकमेल गरेको आरोपमा नेपाल प्रहरीले २० वर्षीय पवन निसादलाई पक्राउ गरेको छ। साइबर ब्यूरोका अनुसार सम्बन्धका क्रममा खिचिएका निजी तस्बिर तथा भिडियो प्रयोग गरी अनुचित लाभ लिन खोजिएको थियो। पीडितले माग अस्वीकार गरेपछि ती सामाग्री महिलाका परिवारका सदस्यलाई ह्वाट्सएपमार्फत पठाइएको उजुरीपछि अनुसन्धान सुरु गरिएको थियो। प्राविधिक अनुसन्धानका आधारमा चाबहिलबाट पक्राउ परेका निसादविरुद्ध विद्युतीय (इलेक्ट्रोनिक) कारोबार ऐन, २०६३ अन्तर्गत अनुसन्धान भइरहेको प्रहरीले जनाएको छ।