डेविड मलानको उत्कृष्ट ब्याटिङमा चितवन राइनोजले नेपाल प्रिमियर लिग (एनपीएल) मा विराटनगर किंग्ससामु १५८ रनको लक्ष्य प्रस्तुत गरेको छ।कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको चितवनले निर्धारित २० ओभरमा ३ विकेट गुमाउँदै १५७ रन बनाएको हो।

चितवनका लागि डेविड मलानले ५० बलमा ५ चौका र ५ छक्कासहित सर्वाधिक ७० रन बनाए। कप्तान रवि बोपारा ३२ र डान मुस्ले २९ रनमा अविजित रहे।विराटनगरका एंगेलो म्याथ्युज, आन्द्रे रसेल र चरिथ असलंकाले समान १ विकेट लिए। अब विराटनगरले जितका लागि १५८ रन बनाउनुपर्नेछ।