काठमाडौं । संविधानसभा सदस्य एवम् नेकपा एमालेका नेता ईश्वर पोखरेलको श्रीमती मिरा पोखरेल (ध्वोजु) लाई क्यान्सर भएको छ ।

पोखरेलले श्रीमतीको भारतको गुरूगाउस्थित मेदान्त अस्पतालमा क्यान्सरको उपचार भइरहेको पोखरेल आफैले आफ्नो सामजिक सन्जाल मार्फत जानकारी दिएका हुन् । मिरा संविधानसभा सदस्य पनि हुन् । उनलाई के को क्यान्सर भएको हो खुलाएका छैनन् ।

श्रीमतीको उपचारमा खटिनुपरेकाले यसबीच देशभित्रका गतिविधिहरूमा प्रत्यक्ष जोडिन नसकेको उनले बताएका छन् ।

उपचारको क्रम अझै जारी रहने भएका कारण आफ्नो उपस्थिति र गतिविधि अझै प्रभावित रहने उल्लेख गरेका छन् ।

सामाजिक सञ्जाल फेसबुकमार्फत जानकारी गराउँदै श्रीमतीप्रति स्वास्थ्य लाभको कामना गर्दै विभिन्न माध्यमबाट सम्पर्क गर्ने र प्रतिकूलतामा पनि प्रत्यक्ष भेट्न आउने साथीहरू तथा आफन्तजनप्रति आभार व्यक्त समेत गरेका छन् ।