काठमाडौं । वैदेशिक रोजगार विभागले वैदेशिक रोजगारीका क्रममा हुने ठगी तथा अनियमितताविरुद्धको उजुरी अब अनलाइनमार्फत दर्ता गर्न सकिने व्यवस्था लागू गरेको छ।
मंगलबार युवा, श्रम तथा रोजगारमन्त्री रामजी यादवले विभागमा आयोजित कार्यक्रममा अनलाइन उजुरी तथा मुद्दा व्यवस्थापन प्रणालीको शुभारम्भ गर्दै यस सेवाले वैदेशिक रोजगारीका क्रममा हुने ठगी, बढी शुल्क असुली र श्रमिकमाथिको शोषण नियन्त्रणमा सहयोग पुग्ने विश्वास व्यक्त गरे।
नयाँ प्रणालीमार्फत पीडितहरूले मोबाइल वा कम्प्युटर प्रयोग गरेर आवश्यक प्रमाणसहित उजुरी दर्ता गर्न सक्नेछन्। उजुरी दर्ता भएपछि इमेल वा सन्देशमार्फत प्राप्त हुने ट्र्याकिङ कोडको सहायताले सेवाग्राहीले आफ्नो मुद्दाको प्रगति जुनसुकै समय अनलाइनबाटै हेर्न सक्ने व्यवस्था गरिएको छ।
प्रतिक्रिया दिनुहाेस्
सम्बन्धित
