नेपाली लोकसंगीत क्षेत्रमा नयाँ गीत ‘वार कि पार’ सार्वजनिक भएको छ । गीतमा गायक मोहन खड्का र गायिका दिपिका बयाम्बु मगर को स्वर रहेको छ ।

गीतमा बहुचर्चित कलाकारहरू खेम सेन्चुरी, ओबी रायमाझी, मोहन खड्का, बिनोद भण्डारी तथा सरिता दानकुटी को अभिनय देख्न सकिन्छ । गीतका शब्द नत्र अर्याल ले सिर्जना गरेका हुन् भने लय खेम सेन्चुरी को रहेको छ ।

गीतको भिडियो मौलिक नेपाली परिवेशसँगै कमेडी शैलीमा तयार गरिएको छ । भिडियोमा एउटी युवतीको पछि चार जना युवक लाग्ने रोचक कथा प्रस्तुत गरिएको छ । उनीहरू युवतीलाई प्रभावित पार्न विभिन्न प्रयासमा देखिए पनि अन्त्यमा चारै जना हेरेको हेरे बन्न पुग्ने दृश्यले दर्शकलाई हँसाउने विश्वास गरिएको छ ।

गीतको भिडियो निर्देशन बिनोद भण्डारी ले गरेका हुन् । मौलिकता, हास्यव्यंग्य र मनोरञ्जनले भरिएको ‘वार कि पार’ दर्शकमाझ चर्चामा आउने अपेक्षा गरिएको छ ।

गित हेर्नुहोस् :