काठमाडौ । भारतीय रेलको एसी कोचहरूमा यात्रुहरूलाई उपलब्ध गराइने तन्ना, तौलिया, कम्बल र सिरानी चोरी हुने क्रम तीव्र रूपमा बढेको पाइएको छ। एक रिपोर्टअनुसार जनवरी २०२२ देखि मे २०२६ सम्मको अवधिमा एसी कोचहरूबाट १ करोड २७ लाखभन्दा बढी ओछ्यानका सामानहरू गायब भएका छन्।

यसरी ठूलो परिमाणमा समान चोरी हुँदा भारतीय रेललाई १०४ करोड भारतीय रुपैयाँभन्दा बढीको आर्थिक घाटा लागेको छ । तथ्याङ्कअनुसार सन् २०२२ देखि २०२५ को अवधिमा मात्र यस्ता चोरीका घटनामा ५६ प्रतिशतले वृद्धि भएको छ।

प्रत्येक दिन भारतीय रेलका करिब ८ लाख एसी यात्रुहरूलाई यात्राका क्रममा दुई वटा तन्ना, एउटा कम्बल, सिरानी र तौलिया उपलब्ध गराइन्छ। तर, औसतमा प्रत्येक एक हजार यात्रुमध्ये एक जनाले यात्रा सकिएपछि कम्तीमा एउटा सामान साथमै लिएर जाने गरेको अधिकारीहरूले बताएका छन्। अधिकांश चोरी यात्रुहरू स्वयंबाट हुने गरेको छ।