लोक दोहोरी संगीतप्रेमीहरूका लागि नयाँ कोसेली स्वरूप ‘कति राम्री’ बोलको मौलिक गीत सार्वजनिक भएको छ। सपना रोक्का युट्युब च्यानलमार्फत बजारमा आएको यस गीतले छोटो समयमै दर्शक–श्रोताको ध्यान आकर्षित गर्न थालेको छ।

यस गीतमा लोकप्रिय गायक खेम सेन्चुरी र गायिका सपना रोक्काको सुमधुर स्वर रहेको छ। रमेश परियारको शब्द र नबिन परियारको लयले गीतलाई अझै मिठास दिएको छ। प्रेम र सौन्दर्यको भाव बोकेको गीतले दोहोरी पाराको मिठास झल्काउने प्रयास गरेको छ।

गीतको भिडियोमा चर्चित अभिनेता पल शाह र मोडल सड्रिना ठकुरीको अभिनय देख्न सकिन्छ। उनीहरूको केमिस्ट्रीले भिडियो अझ आकर्षक बनेको दर्शकहरूको प्रतिक्रिया रहेको छ।

मौलिक शैलीमा तयार गरिएको ‘कति राम्री’ गीतले नेपाली लोक दोहोरी संगीत क्षेत्रमा नयाँ ऊर्जा थप्ने अपेक्षा गरिएको छ।