काठमाडौं – तीजको माहोललाई अझ रौनकिलो बनाउने उद्देश्यले गायक–संगीतकार शंकर छेत्रीले ल्याएका छन् नयाँ रोमान्टिक तीज गीत ‘च्वाक तरुनी झ्वाक तन्नेरी’। गीतमा शंकर छेत्रीलाई चर्चित गायिका ज्योति मगरले स्वरमा साथ दिएकी छन्।

गीतको शब्द–लय स्वयं शंकर छेत्रीले सिर्जना गरेका हुन्। भिडियोमा शंकर छेत्री र लोकप्रिय मोडल अन्जली अधिकारीको मनमोहक जोडी प्रस्तुत भएको छ। गीतलाई प्रकाश भट्टले निर्देशन गरेका छन् भने, छायांकन अजय रेग्मी र टिमले गरेका छन्।

रोमान्टिक भाव, रमाइला दृश्य र तीजको चटपटे रौनक मिश्रित यो गीत हालै सार्वजनिक भएको हो। भिडियोमा देखाइएको उमंग, नाच–गान र जोशिलो माहोलले दर्शकलाई चाडपर्वको मिठासमा डुबाउने विश्वास गरिएको छ।

भिडियो हेर्न तलको लिंक खोल्नु होस् :