काठमाडौं – तीजको रौनकसँगै बजारमा नयाँ गीत ‘थरररर’ सार्वजनिक भएको छ।
गायक मोहन खड्का र गायिका दिपिका बयम्बुको स्वरमा सजिएको यस गीतले छोटो समयमै युटुबमा दर्शकको मन जित्न सफल भएको छ।

शिव पौडेलको शब्द र मोहन खड्काकै लयमा तयार गरिएको गीतमा आधुनिक तीजको उमंग, रंगीनता र नृत्यमय भाव प्रस्तुत गरिएको छ।
मौसम हिमालीको निर्देशनमा बनेको भिडियोमा लोकप्रिय अभिनेता पल शाह र मोडल सुनिता दानकुटीको दमदार अभिनय देख्न सकिन्छ।

गीतको छायांकन राजेश घिमिरेले गरेका हुन्।
MM Entertainment & Events युटुब च्यानलमार्फत सार्वजनिक भएको ‘थरररर’ले छोटो समयमै दर्शकबाट उल्लेखनीय प्रतिक्रिया बटुलेको छ।
गीतको भिडियोलाई विशेषगरी नृत्य, रंग संयोजन र कलाकारहरूको जोशपूर्ण प्रस्तुतीका कारण प्रशंसा गरिएको छ।

यस तीजमा ‘थरररर’ गीतले धेरैको प्लेलिष्टमा स्थान पाएको छ भने भिडियोले लाखौँको ध्यान तान्ने संकेत गरिसकेको छ।