काठमाडौं — लोक तथा दोहोरी क्षेत्रका चर्चित गायक प्रकाश कटुवालले नयाँ लोकशैलीको गीत ‘जर्सी गाईको दूध’ सार्वजनिक गरेका छन्। प्रकाश कटुवालकै आधिकारिक युट्युब च्यानलबाट सार्वजनिक गरिएको यस गीतमा उनीसँग गायिका समीक्ष्या अधिकारीको स्वर रहेको छ।
गीतमा शब्द, लय र संगीत स्वयं गायक प्रकाश कटुवालले दिएका छन्। गीतले ग्रामीण परिवेश, हास्य व्यङ्ग्य र परम्परागत नेपाली गायक-गायिकाको शैलीलाई समेटेको छ। ‘जर्सी गाईको दूध’ भन्ने अनौठो र आकर्षक शीर्षकले पनि गीतप्रति दर्शक–श्रोताको चासो बढाएको देखिन्छ।
गीतको भिडियो निर्देशन शंकर बिसीले गरेका छन्। भिडियोमा रिया खड्का र निर्देशक स्वयं शंकर बिसीले अभिनय गरेका छन्। भिडियोमा गाउँले जीवनशैली, हास्य–व्यङ्ग्य, र लोक सांस्कृतिक स्वाद झल्काउने दृश्यहरूले मनोरञ्जन दिने प्रयास गरिएको छ।
गीतले हल्का रमाइलो शैलीमा सामाजिक विषयवस्तुलाई स्पर्श गरेको छ। संवाद, नृत्य र प्रस्तुतिमा ग्रामीण स्वाद मिसाइएको छ, जसले परम्परागत दोहोरी प्रेमी दर्शकलाई आकर्षित गर्ने विश्वास गरिएको छ।
🔗 गीत हेर्न यहाँ क्लिक गर्नुहोस्:
