काठमाडाैं — नेपाली मोडलिङ क्षेत्रमा आफ्नो छुट्टै पहिचान बनाउँदै आएकी नन्दिता सुनार पुनः एक पटक नया गित मार्फत आएकी छिन्। गायक किस्मत साउद र गायिका लक्ष्मी नेपालीको सुमधुर आवाजमा रहेको गीत “तेरो झल्को” मा नन्दिता सुनार जोन बमसँग स्क्रिन शेयर गर्दै देखिएकी छिन्।
गीतमा लय र शब्द सिर्जना स्वयम् जोन बमले गरेका छन् भने भिडियोलाई निर्देशन गरेका छन् जेरि भण्डारीले। भण्डारीको निर्देशनमा बनेको भिडियोलाई एकदमै भावनात्मक कथा र जीवन्त अभिनयले अझ प्रभावशाली बनाएको छ।
भिडियोमा प्रेम, विछोड र आत्मीयताको गहिरो कथा समेटिएको छ। आधुनिक मोडलिङको दुनियाँमा नन्दिताको अभिनयसँगै जोन बमको प्रस्तुतिले भिडियोमा अलगै आकर्षण थपिएको छ। दर्शकले गीतमा देखिएको यथार्थ कथावस्तुलाई जीवनका अनुभवसँग जोड्न सक्ने छन्।
सङ्गीत र अभिनय दुवै पक्षमा सशक्त प्रस्तुति रहेको “तेरो झल्को” अहिले सामाजिक सञ्जालमा पनि चर्चा बटुल्दै गएको छ। गीतले दर्शक तथा श्रोतालाई मन छोने भावनात्मक स्पर्श दिने विश्वास गरिएको छ।
नन्दिता सुनारको यो यात्रा मोडलिङबाट अभिनयतर्फको प्रगाढ यात्राको संकेतसमेत मानिएको छ।
