काठमाडौं । उद्योग, वाणिज्य तथा आपूर्तिमन्त्री गौरी कुमारी यादवले केही महिनाभित्र हटौँडा कपडा उद्योग सञ्चालनमा आउने दाबी गरेकी छन् । मंगलबार राष्ट्रियसभा बैठकमा सांसदहरूले आफ्नो मन्त्रालयको विनियोजन शीर्षकमाथि उठाएका प्रश्नको जवाफ दिने क्रममा उनले उक्त कुरा बताइन् ।

मन्त्री कुमारीले अर्थ मन्त्रालयले उद्योगको मर्मतका लागि ३३ लाख बजेट निकासा गरी काम भइरहेको पनि स्पष्ट पारिन् । उनले सरकारले उक्त उद्योगलाई अघि बढाउने काममा विशेष ध्यान दिएको उल्लेख गरिन् । मन्त्री कुमारीले सरकारले व्यापार घाटा न्यूनीकरण गर्दै लैजानका लागि प्राथमिकताका साथ काम गरिरहेको बताएकि छन् ।