काठमाडौं
परदेशीको दुःखी जीवनको अपार सफलतापछि रोहन रसाईलीको अर्को सांङ्गितिक कोसेली ‘उड्ने जहाजमा’ बजारमा आएको छ । परदेशीको दुःखी जीवनको भाग २ मानिएको उक्त गीतले पहिलो भागदेखिको सृंखलाबद्ध कथा समेटेकोछ। बदलिदो देशको परिस्थिती, रोजगारीकोअभावको मारमा परेका आम नेपालीको जीवन कथाबाट सुरु भएको गीतमा दुःख गरेरै भएपनि सुन्दर भविष्यको आशा साँचिएको भाव प्रस्तुत गरिएको छ । परदेशीले केही दिनको छुट्टि मिलाएर आएपनि फेरि फर्कनु पर्ने पीडा मात्र हैन फर्किएर रमाउने अदृश्य आशा पनि गीतमा समाबेश गरिएको छ ।
शंकर बराईलीको लय शव्दमा तयार भएको गीतमा देबेश राईको संगित संयोजन रहेको छ भने लोकप्रिय गायिका करुणा राई र रोहन रसाइलीले यो गीतमा स्वरांकन गरेका छन् । त्रिबेणी डिजिटल रेकडिङ स्टुडियोमा रेकर्ड भएको यो गीतको मिक्सिङ माष्टरिङ राजकुमार बगरले गरेका हुन्।
यस गीतको म्यूजिक भिडियो पनि उत्तिकै ससक्त बनेको छ । बास्तविक रुपमै एयरपोर्टदेखि घरसम्म र प्रवासका कथा जीवन्त बनाईएको उक्त गीतलाई समिर थोकरले निर्देशन गरेका हुन् । गीतमा गायक रोहन रसाइली, गायिका करुणा राई र शोभा रसाइलीको अभिनय रहेको छ । विक्रम गौतमको श्रृंगार अनि कमानसिं राई म्यानेजमेन्ट तथा रामकृष्ण चौलागाईंको छांयाकन रहेको यो गीतको भिडियो सम्पादन विरबहादुर थारुले गरेका हुन भने करुणा राई अफिसियल युट्युव च्यानल मार्फत सार्वजनिक गरिएको छ । पूरा भिडियो हेर्नुहोस:
