काठमाडौं – तीजको उमंगसँगै नयाँ तीज गीत ‘नैनी ताल’ सार्वजनिक भएको छ।
शंकर सुनार र शान्ति श्री परियारको स्वरमा सजिएको यो गीतले छोटो समयमै युटुबमा दर्शकको मन जित्न सफल भएको छ।

बिक्रम बाबु विश्वकर्माको शब्द र संकलित लयमा तयार भएको गीतमा तीजको मौलिकता र आधुनिक प्रस्तुतिको मिश्रण पाइन्छ।
एलिना रायमाझीको निर्देशनमा बनेको यस गीतको भिडियोमा गायक शंकर सुनार र एलिना रायमाझी स्वयंको दमदार अभिनय देख्न सकिन्छ।

Shankar Sunar Official युटुब च्यानलमार्फत सार्वजनिक भएको यो गीत छोटो समयमा नै ट्रेन्डिङमा पर्न सक्ने संकेत देखिएको छ।
गीतको भिडियोलाई विशेषगरी रंगीन दृश्य, मौलिक तीजको भाव र कलाकारहरूको जोशपूर्ण प्रस्तुतीका कारण दर्शकले प्रशंसा गरेका छन्।

यस वर्षको तीजमा ‘नैनी ताल’ धेरैको मन र प्लेलिष्टमा छुटाउन नसकिने गीतको रूपमा उभिँदैछ।