काठमाडौं ।
हिन्दू नारीहरूको महान चाड तिजलाई लक्षित गर्दै मार्मिक भावनाले भरिएको गीत “आभागी छोरी” सार्वजनिक भएको छ। चेलीबेटीको पीडा, मौनता र समाजमा व्याप्त कुरीतिमाथि प्रश्न उठाउने उद्देश्यले तयार पारिएको यो गीत गायक दिपेन थापा र लोकगायिका शान्ति श्री परियारको सशक्त स्वरमा सजिएको छ।

गीतमा डि आर ढुंगानाको भावुक र गहिरो शब्द छ भने संगीत संयोजन गायक स्वयं दिपेन थापाले गरेका छन्।

प्रविन थापाको निर्देशनमा बनेको भिडियोमा कमला घिमिरे, दिपेश थापा, सहदेव श्रेष्ठ, रश्मी लामा श्रेष्ठ र दिपेन थापाको सशक्त अभिनय समावेश छ। भिडियोको निर्देशन प्रविन थापाले गरेका हुन्।

यस गीतमा विशेषगरी तिज पर्वलाई मात्र रमाइलो, नाचगानको रूपमा नभई, चेलीहरूको वास्तविक अवस्था, पीडा र सपना प्रस्तुत गर्ने प्रयास गरिएको छ। चेली घर फर्किंदा न ल्याउने उत्सव हुने तिज, नफर्किंदा आकाश जस्तै मौनताको रूपमा प्रस्तुत गरिएको छ।

दिपेन थापा युट्युब च्यानल मार्फत सार्वजनिक गरिएको “आभागी छोरी” ले छोटो समयमै दर्शक-श्रोताको ध्यान खिचिरहेको छ। सामाजिक सञ्जालमा गीतले चेलीप्रतिको भावनात्मक संवेदना उजागर गरेको भन्दै सकारात्मक प्रतिक्रिया पाइरहेको छ।