काठमाडौं । प्रधानमन्त्री वालेन्द्र शाह र गृहमन्त्री सुधन गुरुङविरुद्ध सिरहामा गोली लागेर मृत्यु भएका गणेश यादवका आफन्त र छिमेकीले विरोध प्रदर्शन गरेका छन् ।
सुनसरी घटनलाई लिएर बिहीबार सिरहाको गोलबजारमा भएको प्रदर्शनको क्रममा मृत्यु भएका औरही गाउँपालिका– २ तुलसियाहीका १५ वर्षीय गणेश यादवको परिवारलाई गृहमन्त्रीले भेट्दै छन् । यो खबर थाहा पाएपछि स्थानीयले यहाँको बनिनिया चोकमा प्रदर्शन गरेका हुन् । उनीहरूले मृतकले न्याय नपाउञ्जेल गृहमन्त्रीलाई प्रवेश निषेध गर्ने बताएका छन् । हातमा प्लेकार्ड बोकेर बालेन सरकार र गृहमन्त्रीविरुद्ध उनीहरुले नाराबाजी गरेका छन् ।
गोली प्रहार हुँदा १५ वर्षीय बालकको मृत्यु भएकोमा स्थानीय आक्रोशित छन् ।
प्रतिक्रिया दिनुहाेस्
सम्बन्धित
