मौलिकता हराउँदै गएको वर्तमान नेपाली लोक संगीत बजारमा लोकप्रिय दोहोरी गायक खेम सेन्चुरी र गायिका संजु परियारले बिल्कुलै नयाँ र मौलिक गीत “हिड बटौली” सार्वजनिक गरेका छन्। दोहोरी गीतमा आफ्नै छुट्टै पहिचान बनाएका खेम सेन्चुरीले नेपाली लोक संगीतमा निरन्तर योगदान दिँदै आएका छन्।

“हिड बटौली” गीतमा खेम सेन्चुरीलाई गायिका संजु परियारले साथ दिएकी छन्। संजु परियार करिब ६ वर्ष अघि काठमाडौँ आफ्नो गायन सपना बोकेर आएकी थिइन्। प्रारम्भिक दिनमा उनले काठमाडौँका होटलहरूमा वेटर काम गर्दै नेपाली लोक संगीतमा आफ्नो भबिष्य खोज्दै थिइन्। त्यसपछि उनले दोहोरी साँझमा वेटरको रूपमा काम गर्दै संगीत सिक्दै आएकी छिन् । संगीतप्रतिको अटुट प्रेम र संघर्षले गर्दा संजुले आज आफैँ गाउनेसम्मको यात्रा तय गरेकी छन्। पछिल्लो समय खेम सेन्चुरीसँगको सहकार्यले उनलाई अझ नयाँ उचाइमा पु¥याएउन मद्धत गरेको छ। “गम्छा बाँधेर” जस्ता चर्चित गीतपछि अब ” हिड बटौली”मार्फत संजु परियार पुनः एक पटक संगतिक बजारमा आएकी छन्।

येसो त खेम सेन्चुरी दोहोरी गीतका एक सफल र लोकप्रिय गायक हुन्। उनीले नेपाली लोकसंगीतमा आफ्नै पृथक स्वाद भरेका छन्। सरल शब्द, मिठासपूर्ण स्वर र नेपाली माटोको सुगन्ध समेटिएका उनका गीतहरू स्रोता-दर्शकले अत्यन्तै रुचाएका छन्। “गम्छा बाँधेर”, “पान को पसल”,”तल्लो बाटो” लगायतका चर्चित गीतहरूले खेम सेन्चुरीलाई लोकदोहोरी क्षेत्रमा छुट्टै उचाइमा पुर्‍याएका छन्।

गीतको शब्द रचना आशमा कँडेलले गरेकी हुन् भने संगीत संयोजन युस्कल छिनालले गरेका छन्। भिडियोमा पछिल्लो समय ब्यस्त मोडल जुना विश्वकर्मा र अर्जुन खत्रीले अभिनय गरेका छन्।
गीतको भिडियोलाई बिशाल बरालले निर्देशन गरेका हुन् भने नृत्य निर्देशन मुकेश नेपालीले सम्हालेका छन्।

“जाम हिं बटौली” ले छोटो समयमै राम्रो चर्चा बटुल्दै मौलिक लोकदोहोरी गीतको स्वादमा नयाँपन दिएको छ। नेपाली लोक संगीतमा निरन्तर यस्तो प्रयास भइरहून् भन्ने सबैको अपेक्षा छ।
उक्त गित को भिडियो ARBI ENTERTAINMENT युटुब च्यानल मार्फत सार्बजनिक भएको छ :